Добивај вести на Viber
Процесот на легализација и регистрација на тракторите и приколките се одвива по планот, а досега во земјава е извршена легализација и регистрација на осум илјади трактори изјави министерката за внатрешни работи Гордана Јанкуловска. Таа денеска беше во Струмица каде се сретна со претставниците на здруженијата на земјоделци.
„Акцијата за легализација и регистрација, Владата на Македонија ја спроведува на иницијатива од земјоделците од струмичко,каде што пред почетокот на истата имаше регистрирано помалку од 30 трактори. Сега во Струмичко се легализирани и регистрирани околу илјада трактори и тракторски приколки“, рече Јанкуловска.
Јанкуловска посочи дека сеуште трае легализацијата за тракторите, како и дека сите сопственици кои поднеле барање до судот ќе добијат документи за сопственичкото право. Таа откри дека во постапка на легализација се околу 20.000 земјоделски машини и трактори .
Легализацијата на овие машини ќе трае до средината на иднината година до кога тие треба да поминат на технички преглед и регистрација.