Ленин со кампањата „Јас внимавам“ повика на носење заштитен шлем и поголема безбедност во сообраќајот
Објавено во: Мои пари 05 Јули, 2017
„Секогаш носам заштитен шлем кога возам мотоцикл“ е пораката што со најновата активност ја испраќа кампањата „Јас внимавам“ посветена на поголема безбедност во сообраќајот, што компанијата ОКТА со поддршка на МВР ја започна годинава. Апелот за поголема свесност за почитување на ова правило беше пренесен со контрола на мотоциклисти по случаен избор, при што оние што носеа заштитен шлем беа наградувани со вредносни ваучери за гориво од ОКТА. Сите возачи беа потсетувани на податокот дека носењето заштитен шлем при возење мотоцикл го намалува ризикот од фатални последици за 40 отсто, а ризикот од сериозни повреди дури за 70 отсто.
Контролата за почитување на ова сообраќајно правило беше спроведена од претставници на Министерството за внатрешни работи.
Вниманието на јавноста, посебно на мотоциклистите, за почитување на правилото за носење заштитен шлем, овој пат е предизвикано од Ленин Јовановски, познат и искусен мотоциклист кој што ја даде својата поддршка за кампањата и со тоа придонесе за поголем ефект и успешност.
„Со зголемување на бројот на мотоциклисти како активни учесници во сообраќајот, се почесто се случуваат незгоди каде што тие се чести жртви и немањето заштитен шлем значително ги зголемува повредите. Почитувањето на сообраќајните правила придонесува за избегнување на незгодите, а шлемот овозможува голема заштита при евентуални незгоди. Покрај законската обврска за носење заштитен шлем, оваа кампања е единствената што сериозно се свртува кон потребата за себезаштита на мотоциклистите, што заедно со целосната комуникација и начинот на кој влијае за зголемување на свесноста, е причината да ја дадам својата поддршка“, изјави Ленин Јовановски.
Кампањата „Јас внимавам“ во досегашните активности, заедно со своите поддржувачи повика на поголема свесност за безбедноста на сите учесници во сообраќајот и почитување на најчесто прекршуваните сообраќајни правила и прописи, како носење заштитен појас, забрането возење под дејство на алкохол, прилагодување на брзината пропишана на патот, возење на обележана велосипедска патека. Преку кампањата беа донирани и сообраќајни полигони во повеќе основни училишта ширум земјава, а со оваа активност ќе се продолжи и по почетокот на новата училишна година.
Можеби ќе ве интересира
„A1 Academy” заокружи уште еден успешен модул – Бизнис аналитика
Хуманитарен велигденски настан во Веро центар за лицата со церебрална парализа
Караванот „Не е до нив, до тебе е“ утре патува во Скопје и во Охрид
ВЕЛИГДЕНСКИ БОНУСИ ВО ПРОГРАМАТА ЗА ЛОЈАЛНОСТ НА 2win.мк
Прашања од граѓански организации до политичките партии пред следниот изборен круг
„Позитивниот избор од НЛБ Банка многу не израдува, тоа е потврда дека со нашата активност сме на вистинскиот пат“: Роберт Петрушевски еден од финалистите на пороектот на НЛБ „Рамка за помош“
Напред во дигиталната иднина со Македонски Телеком
WTCA заговара „мир по пат на трговија“ на Балканот и во светот на IX Delfi економски форум
Караванот на Државна изборна комисија во посета и на руралните средини и маргинализираните групи
