МАДРИД БАРА ЈАСЕН ОДГОВОР: Пучдемон со „да“ или „не“ да одговори, или ќе преземат мерки
Објавено во: Свет 14 Октомври, 2017
Шпанските власти бараат јасен одговор од Каталонија за независноста.
Владата ќе ја преземе контролата над Каталонија, ако нејзиниот лидер Карлес Пуџдемон двосмислено одговори на прашањето дали прогласил независност од Шпанија.
Ова го најави денеска министерот за внатрешни работи, Хуан Игнасио Зоидо.
„Одговорот мора да биде недвосмислен. Мора да одговори или „да“ или „не“. Ако одговори двосмислено, тоа значи дека не сака дијалог, поради што шпанската Влада ќе мора да дејствува“ - вели Зоидо.
Премиерот на Шпанија, Маријано Рахој му даде рок на Пуџдемон до понеделник да го појасни својот став.
Тој потоа ќе има и рок до четврток да го смени мислењето доколку инсистира на отцепување.
Мнозинството бараа отцепување на референдумот одржан на 1 октомври.