МАДУРО СО ЗАБРАНА ЗА ГУАИДО: Тој повика граѓаните да не молчат
Објавено во: Свет 29 Март, 2019
Властите во Венецуела на опозицискиот лидер и претседател на парламентот, Хуан Гуаидо му е забрането вршење јавна функција на 15 години, додека се обидува да направи државен удар против претседателот Николас Мадуро.
Главниот државен ревизор Елвис Аморосо, кој ја надгледува транспарентноста на државната управа во Венецуела, одлучил „да му забрани на граѓанинот Хуан Гуаидо вршење каква било јавна функција на која се доаѓа со учество на избори во најголемиот можен рок предвиден со закон“, соопшти на државната телевизија, односно во траење од 15 години.
Аморосо, кој е близок до Мадуро, вели дека Гуидо во својата даночна пријава не оправдал некои трошоци во Венецуела и во странство со пари од други земји.
„Тој бил на патување надвор од земјата кое чинело повеќе од 310 милиони боливари (околу 94.000 долари според сегашниот курс), не наведувајќи го потеклото на тие пари“, кажа венецуелскиот ревизор.
Тоа тело објави на 11 февруари дека почнува истрага против опозицискиот лидер и побара од јавното обвинителство „да ги преземе потребните чекори“, не наведувајќи други детали.
Гуаидо, кого за привремен претседател го признаа 50-тина земји, ја отфрли 15-годишната забрана за учество на избори на Аморосо, кажувајќи дека тој е нелегитимен.Гуаидо ги повика поддржувачите да не молчат во време кога оспорениот претседател Никола Марудо се обидува да го спречи да ја преземе контролата врз Владата.
Мадуро, кој има поддршка од Русија, и добива карго помош и се` уште армијата стои зад него во Венецуела, изјави дека е мета на заговор од САД за насилна смена од власт.