Македонија го блокира увозот на српско брашно?
Објавено во: Економија 24 Февруари, 2018
Српското бизнис-здружение „Житоунија“ ги обвини македонските власти дека со неодамнешните мерки го направиле речиси неисплатлив увозот на брашно од Србија. Од здружението исто така бараат Србија да воведе контрамерки на увозот на земјоделско-прехранбени производи од Македонија, пишува белградска „Политика“.
Според новите процедури, српското брашно се извезува во Македонија без македонски маркици. Потоа брашното се складира тука, а по фитосанитарниот преглед увозникот може да ги користи маркиците и потоа да ги истакне на производот. Меѓутоа, брашното мора да се распакува и да се ангажираат дополнителни луѓе, а процедурата може да потрае и цел месец.
- На увозниците со тоа значително им се зголемени трошоците и бизнисот со Србија станува економски неисплатлив. Реално е да се очекува пад на извозот на српското брашно - изјави Здравко Шајатовиќ, претседателот на „Житоунија“.
Спорото во врска со извозот на српско брашно во Македонија трае веќе неколку години, потсетува „Политика“.