Македонскиот стартап STORNEST избран како дел од Програмата за иновации на Insurtech Hub Минхен
Објавено во: Мои пари 13 Февруари, 2020
Македонскиот стартап STORNEST, креатор на првиот продукт на нашиот пазар кој нуди комплетно решение за нашето лично дигитално наследство, е избран за учесник на Програмата за иновации, од страна на Insurtech Hub Минхен.
STORNEST претставува дигитален сеф во кој секоја индивидуа може да ги зачува и складира своите важни документи и информации, од било кој формат (лозинки, тестаменти, имотни листови, осигурителни полиси, хартии од вредност и др.). Во случај на нереспонзивност, зачуваните податоци се споделуваат со најблиските по предодредени правила, согласно алгоритмот и механизмот кој ја прави оваа проверка. Производот е базиран на врвна сигурносна инфраструктура, која овозможува безбедно зачувување на податоците и нивно пренесување.
Програмата за иновации е замислена како 13 неделна програма во која ќе се обработат повеќе теми како развој на производ и негово глобално позиционирање, скалабилност, таргетирани пазари и група на корисници, маркетинг и продажба, добивање на потребната инвестиција и др. Како корпоративни претставници кои се дел од самата програма се реномираните Allianz, Generali, Microsoft, PWC, Roche, ARAG, Die Bayerische, Munich Re, Markel, LV1871 и WWK.
Организатор на оваа програма е Insurtech Hub Минхен, хаб кој нуди платформа за соработка и партнерство на корпоративниот осигурителен сектор во Германија, со стартапи, инвеститори, високообразовни институции, консултанти и претставници од владиниот сектор.
Мисијата на Insurtech Hub Минхен е успешно фасилитирање на процесот на иновација и развој на производи, како и креирање на вредност за сите страни вклучени во процесот.
Преку учество во оваа програма, STORNEST има директна можност за соработка со
компании и институции од германскиот корпоративен и стартап екосистем, како и за
продажба на производот на глобалниот пазар.
Можеби ќе ве интересира
Проширување на хоризонтите за трговија и инвестиции: мисијата на WTCA во Европа и Западен Балкан
В НЕДЕЛА СИТЕ НА ВОДНО – ДАЛИ СТЕ ПОДГОТВЕНИ ЗА НАЈМАСОВНИОТ ПЛАНИНСКИ НАСТАН ВО РЕГИОНОТ „SPARKASSE LIFE ПРВ ДО ВРВ“?
Гранд Скопјe PRIME SPONSOR на овогодинешната Конференција за недвижности
Промотивен станбен кредит на Силк Роуд банка со фиксна каматна стапка за 10 години
Лирски почеток на „Видик“ со фузија на поемата „Коњски житија“ и боса нова ритамот на „Акварела“
БЕКУТАНОВА РАБОТИЛНИЦА ЗА РОДИТЕЛИ: Секој маж може да стане родител, но не може секој да биде ТАТО
TTK Банка АД Скопје по втор пат ја зголеми основната главнина преку скрип емисија на нови акции по пат на приватна понуда
ВТОР ДЕН ОД САМИТОТ НА МАКЕДОНИЈА2025: Дигитализацијата и елиминирање на корупцијата - предуслови за забрзан економски раст
Македонски Телеком со најголеми просечни брзини и најдобри резултати за вкупните перформанси на мрежата
