Македонските домати со дампинг ги погодија земјоделците од Сандански и Петрич
Објавено во: Балкан 10 Јули, 2019
Цените на доматите од оранжерии на големо
во реонот на Сандански и Петрич паднаа на рекордни 50 стотини, или се купуваат
по 15 денари за килограм, пренесува
бугарскиот медиум Блиц.
За помалку од десетина дена производителите на домати во овој регион се пожалиле за ниската откупна цена, посебно за цената на квалитетниот и најбаран розев домат.
Една од причините за оваа ниска откупна цена е наведена манипулацијата на препродавачите и откупците.
Парадоксот на целава ситуација е дека се откупува доматот по 15 денари, но се продава низ маркетите по цена и до 70 денари, односно за 2,50 лева/килограм.
Земјоделец од Сандански пред новинарите рекол дека не ја знае причината за падот на цената на доматите, но дека за него како земјоделец оваа цена не е нормална. Евтиниот домат според него доаѓал од Северна Македонија, се увезувал макеоднскиот евтин домат и затоа нивниот род не се барал, односно паднала откупната цена. Нему како земјоделец му било понудено својот род од домати да го продаде за 50 стотинки , но тој го одбил тоа, а вчера му било понудено да му се откупи родот за 60 стотинки за килограм, цена која нема да му биде доволна да си ги врати средставата кои ги вложил во доматите, а не пак да има некој профит од тоа.
Откупците пак велат дека се нудат домати на големо насекаде, цената се движи од 50 до 80 стотини за килограм, без оглед на квалитетот. Тој како откупувач не се чувствувал виновен и потенцирал дека ниската откупна цена се должи веројатно поради тоа што пазарите се полни со домати.