Македонското вино на саем во Германија
Објавено во: Агробизнис 25 Март, 2013
Девет винарии од Република Македонија учествуваат на саемот за вино Провајн во Дизелдорф, Германија.
Тиквеш, Сковин, Стоби, Далвина, Бовин, Камник, Езимит, Дудин и Попова Кула на македонскиот национален штанд ги презентираат своите вина пред дистибутери, увозници и други професионални купувачи на вино од целиот свет.
Провајн, што се одржува од 24 до 26 овој месец, е водечки меѓународен саем за вино и алкохолни пијалоци во Европа каде своите вина ги промовираат 50 вински земји во светот. Секоја година манифестацијата ја посетуваат 37.000 луѓе од целиот свет.
Учеството на македонските визби го организира здружението „Вина од Македонија“ кое продолжува со активностите за промоција на македонското вино на интернационалните пазари.
Можеби ќе ве интересира
ПОЧНА СОБИРАЊЕТО И ОТКУПОТ НА ПЕЧУРКИ: Дали е на повидок успешна сезона?
