Мал инцидент во Собранието - кој му ја извади картицата на Џафери?
Објавено во: Македонија 11 Август, 2017
Во Собранието нешто по 19 часот дојде до мал инцидент.
Пратеникот од ВМРО-ДПМНЕ, Илија Димовски му ја извадил картичката на спикерот, Талат Џафери.
По ова следеше пауза, а Џафери по паузата побара обезбедувањето да стои кај говорницата за да не му ја извади некој картичката.
Пратениците од ВМРО-ДПМНЕ се собраа околу говорницата. Пратеникот од ВМРО-ДПМНЕ, Влатко Ѓорчев на Џафери му рече дека секој ден им вика полиција и дека тоа го нема никаде.
„Ова е окупација на Парламентот. Ова го нема нигде. Македонскиот народ го гледа ова“- вели Ѓорчев.
За кратко време пратениците се вратија на своите места, а Џафери побара обезбедувањето да ја напушти салата.
На седницата се дискутира за разрешувањето на јавниот обвинител, Марко Зврлевски.