Малолетници гаѓале со камења автобус со српски туристи кој се враќал од Грција
Објавено во: Македонија 30 Август, 2023
Во Македонија e каменуван автобус со српски туристи што се враќале од Грција.
Група малолетници фрлале камења кон возилото кај надвозник во Македонија, известуваат српските медиуми. Нема повредени, но сите патници биле под стрес, особено децата што биле во автобусот.
„Вечерва, на враќање со автобус од Грција се случи нешто непријатно. Од надвозникот во Македонија бевме гаѓани со камен право во стаклото кај возачот. За среќа, стаклото не се скрши целосно и децата што седеа таму не беа повредени. Ние подоцна бевме известени дека тоа го направила група малолетници, дека не сме први на кои ова им се случува и дека ова е често. Ете само да им укажам на возачите да внимаваат при минување под надвозникот во Македонија“, пишува на фејсбук-страницата „Лајв фром Грис“.
Во коментари граѓаните прашуваат за кој град, односно за која локација се работи за да внимаваат.
Foto: Shutterstock