Маричиќ вели дека стратегиите на ВМРО-ДПМНЕ ќе ја однесат државата таму каде што не сакаме
Објавено во: Македонија 26 Август, 2023
Секретарот за меѓународни прашања на СДСМ Бојан Маричиќ, за вестите на телевизија Сител изјави дека заблудите на ВМРО- ДПМНЕ скапо ќе ја чинат државата, а чекањето ќе ги исели младите во Европа.
Маричиќ нагласи дека поради заблудите дека може да преговараме подобар договор, или пак дека има бескрајно време да чекаме, ќе направат сите други држави, дури и Украина и Молдавија, кои се во сериозни безбедносни ризици да одат пред нас, а ние ќе чекаме подобри времиња за да изпреговараме и да ја натераме Бугарија во нешто што нема потреба да ја убедуваме.
„Не интересираат нашите граѓани, како ниту еден граѓанин да не извади веќе туѓ пасош на туѓа држава, па и бугарски доколку не мисли дека треба и доколку не се чувствува како Бугарин“, истакна Маричиќ.
Тој додаде дека стратегиите на ВМРО-ДПМНЕ ќе ја однесат државата таму каде што не сакаме.