Медицинска опрема украденa од македонски болници завршила во Косово
Објавено во: Македонија 23 Ноември, 2022
Косовската полиција спречила обид за украдена медицинска опрема од болниците во Македонија да заврши во приватна косовска поликлиника во сопственост на македонскиот бизнисмен Дритон Шуки.
Косовските медиуми објавиле дека станува збор за опрема вредна 45 илјади евра која била купена за само 10 илјади евра, пренесува РСЕ.
Случајот е под истрага, а според коосвските медиуми, Шуки има свој бизнис во Косово и Македонија, а поврзан е и со политичари од двете земји.
Тој е сопственик на косовската поликлиника „Авицена КС“ во Приштина. На 17 ноември, бил сослушан и е осомничен дека направил кривично дело со купување на медицински апарат украден во Скопје, за кој нема повеќе детали.
„По одземање на апаратот и потребните полициски постапки, во координација со државниот обвинител е инициран предмет против осомничениот Д.Ш, 47 годишен маж за купување набавка, прифаќање или прикривање на предмети прибавени со сторено кривично дело“, објавила косовската полиција.
Од македонското МВР впотврдуваат дека истрагата е сè уште во тек и на случајот се работи од страна на полициите во двете земји.
Шуки во декември 2019 година станал член на Централниот одбор на владејачката партија ДУИ и нејзин донатор.