МЕДИУМИТЕ ОД РЕГИОНОТ: Скопје е подготвено за посетата на папата Франциск
Објавено во: Балкан 07 Мај, 2019
Медумите од регионот свртени кон Апостолската посета на папата Франциск во Северна Македонија. Голем дел од медиумите од регионот пишуваат за денешната историска посета на поглаварот на Католичката црква во нашата земја,но и голем дел од нив ќе ја следат неговата посета дирекно од главниот град Скопје.
„Поглаварот на Католичката црква папата Франциск денес ќе го посети Скопје. Организацискиот одбор за посетата на папата изјави дека сите подготовки за Франциск се завршени и дека безбедноста е на највисоко ниво“, пишува Алџезира.
„Скопје е подготвено за историската посета на папата Франциск. Владата на Република Северна Македонија го прогласи за неработен ден 7 мај на територијата на град Скопје, по барање на граѓаните во земјата. Нема да работат основните и средните училишта, како и државната и јавната администрација. Исто така од Владата им препорачаа и на приватниот сектор да го направи неработен ден, но тие сами ќе одлучат дали приватните фирми ќе работат“, пишува бугарскиот медиум 24 часа.бг
„ Шефот на Католичката црква,
Неговата светост Папата Фрањо е во историска посета на Скопје. Според
програмата папата Франциск треба да оддржи миса на плоштадот, кадешто се очекува да присуствуваат повеќе од 15.000
луѓе. Безбедносните мерки се на високо ниво и се ангажирани сите
институционални и безбедносни капацитети за да ја направат оваа посета
непречено“, пишува новинската агенција ИНА од Албанија.
Северна Македонија е 42 земја што Папата Францис ќе ја посети откако
беше назначен на чело на Римокатоличката црква во 2013 година.
Според претходните соопштенија, шефот на Римокатоличката
црква доаѓа во Северна Македонија со 30-члена висока делегација по дводневната
посета на Бугарија, пишуваат медиумите од регионот.
На еднодневната посета поглаварот на Католичката црква ќе биде придружуван со повеќе
од 400 медиумски екипи од земјата и светот.