Мега ресортот на Доналд Трамп во Палм Бич ја враќа претседателската вредност
Објавено во: Свет 25 Ноември, 2016
Доналд Трамп како магнат за недвижнини во САД уште во 1985-та година има купено голема вила во Мар а лаго во Палм Бич, Флорида, која подоцна ја претворил во приватен ресорт со ексклузивно членство за елитата.
Интересно е што овде за време на зимските празници престојувало и претседателското семејство на Кенеди, но подоцна федералната влада одбила да го користи како претседателска вила поради безбедносни ризици и огромната површина која мора да се обезбедува постојано.
Сега, глетката е многу слична, ангажирани се сите тимови на шерифскиот оддел од Мар а лаго, донесени се патролни чамци на Крајбрежната служба, а тимови на федерални агенти целосно го контролираат патот кој води кон имотот на Доналд Трамп.
За самото здание не треба да се трошат многу зборови, доволно е да се погледнат сликите на раскош, луксуз и гламур што навистина дава еден аристократки поглед на Доналд Трамп. Целата област сега довива и поголема вредност на недвижностите, па дел од резидентите ги продаваат своите куќи за над 25 милиони долари.