Меѓу Тврдокорните имало и „омекнати“ - Почнаа ли контра протестите?

Добивај вести на Viber

Групата која себеси се нарекува Тврдокорни преку социјалните мрежи тврди дека вчерашниот протест на патриотските здруженија пред седиштето на ВМРО-ДПМНЕ не е од членови на Тврдокорните, туку дека станува збор за луѓе кои се ангажирани од страна на актуелната власт предводена од СДСМ. 

На официјалната Фејсбук страна на Тврдокорни често се испраќаат генерални пораки кон сите македонски политички партии со закани да преземат мерки за сочувување на тоа што тие мислат дека е национален интерес, наместо да вршат предаства на Македонците. Меѓутоа досега ниту еднаш Тврдокорни не отишле во директен судир со ВМРО-ДПМНЕ, ниту пак со нивниот лидер Никола Груевски. 

Единствено Тврдокорни најмногу критики упатија која против нивни и членови на останатите таканаречени патриотски здруженија се соочија со кривичен прогон за учеството во насилниот упад на Собранието на 27 април кога нападнаа полицајци, пратеници и новинари. 

Тие побараа амнестија од партиите бидејќи делувале револтирано со цел да ја заштитат Македонија. Реториката на Тврдокорни е полна со национализам и на нивните собири често се испраќаа и навредливи и шовинистички скандирања. 

Затоа нивните тврдења дека ете не протестирале пред седиштето на ВМРО-ДПМНЕ се помалку чудни и изненадувачки и укажуваат на одреден „заговор“ дека дел од нивните членови соработуваат со СДСМ што досега немаше никаква логика.