МЕНУВАЧНИЦИТЕ НЕ СМЕАТ ДА ГИ ЧУВААТ ДЕВИЗИТЕ, ЗА ТОА МОЖАТ ДА БИДАТ И КАЗНЕТИ - гувернерката потврди дека има засилени контроли
Објавено во: Финансии 15 Март, 2022
Народната банка веќе има засилена контрола врз работењето на менувачниците со цел, како што велат, да се спречи шпекулативно однесување на одредени менувачници. Гувернерката Анита Ангеловска-Бежоска, во изјава за МИА, посочува дека во тек се засилени инспекциски контроли од страна на Народната банка по менувачниците, како и дека согласно регулативата, тие не смеат да ги чуваат девизите и да не вршат менувачко работење. Ваквото однесување може да се санкционира, вклучително и со одземање на дозволата за работа, порачува гувернерката.
Таа истакнува дека домашната валута е стабилна, но и дека има доволни количини девизи на пазарот доколку некој сака да купи.