Меркел: Европа треба да прекине со нелегалната миграција
Објавено во: Свет 24 Септември, 2016
Германскиот канцелар Ангела Меркел изјави дека запирање на протокот на илегални мигранти треба да биде цел на земјите од Европа, кои успеале да постигнат напредок по тоа прашање.
Ова го објави таа за време на денешната средба за миграцијата преку Балканскиот пат во Виена.
„Ние треба да се стремиме кон максимален прекин на нелегалната миграција“, изјави Меркел, која ги увери Италија и Грција во понатамошната поддршка во миграциската политика и истакна забележлив напредок во борбата со неа во споредба со минатата година.
Според неа во последната година се забележува значителен напредок во борбата против нелегалната миграција. Таа тврди дека треба да се склучат договори со Африка, Пакистан и Авганистан, за да стане јасно дека луѓето кои немаат право да престојуваат во Европа, треба да се вратат во земјите од кои дошле.
Според податоците на Високиот комесаријат во првите осум месеци од годинава бројот на мигрантите, кои поминале низ Медитеранот, за да влезат во Европа, е над 300 000. Тие се упатуваат главно кон Италија.