Меркел и Ципрас ќе разговараат за името во Брисел
Објавено во: Македонија 23 Февруари, 2018
Германската канцеларка Ангела Меркел и грчкиот премиер Алексис Ципрас ќе разговараат за спорот за името помеѓу Скопје и Атина. Прашањето за името на Македонија ќе биде дел од разговорите меѓу двајцата премиери, кој денес во Брисел ќе се одржи во рамки на неформалниот состанок на 27-те земји-членки на ЕУ, ја пренесува МИА информацијата на грчкиот весник „Зунгла“.
Од кабинетот на Циппрас потврдиле дека прашањето за името било една од темите и на телефонскиот разговор Ципрас - Меркел, што се случи еден ден пред посетата на премиерот Заев на Берлин и средбата со германската канцеларка.
Телевизијата Скај пренесе дека „Ципрас на Меркел и` ја потенцирал потребата за конечно решение во спорот, со промена на уставното име на соседната земја“. Според Скај, грчкиот премиер и германската канцеларка се договориле да се сретнат денеска во Брисел на неформалниот состанок на лидерите на ЕУ.