МЕРКИТЕ НЕ СЕ ИЗБОРНА КОРУПЦИЈА: Порача Спасовски
Објавено во: Економија, Македонија 17 Мај, 2020
Најмалку
што се очекува од една опозиција е да биде конструктивна, посебно во услови кога
во земјата има здравствена криза и кога се доведени во прашање здравјето и
животот на граѓаните, порача денеска премиерот Спасовски, бидејќи како Влада се
обвинети од опозициската ВМРО-ДПМНЕ дека воведувањето на мерките претставуваат
изборна корупција.
– Дали овој пакет на мерки можеби претставувал наводна изборна корупција? Ќе одговорам многу едноставно. Овој пакет на мерки се носи како последица од здравствената криза со Ковид-19. Ние имавме избори закажани за 12 април кога немаше Ковид-19, кога немаше криза. Зошто тогаш не ги носевме? Ние тргнуваме од тоа дека поради здравствената криза граѓаните не можат самите себе да си помогнат, туку тоа треба да го прави државата. Ова е директна помош за граѓаните, за стопанството, за да се зачуваат работните места, целокупно за се заживее и закрепне економијата во земјава, изјави премиерот.