Добивај вести на Viber
Христијан Мицкоски, лидерот на ВМРО-ДПМНЕ, објави статистички податоци, според кој македонските компании кои не се на слободниот пазар, односно се регистрирани како мали потрошувачи, плаќаат осма најскапа струја во Европа.
„Македонското стопанство во првото полугодие од 2022 година плаќа осма најскапа струја во Европа според EUROSTAT и Државниот завод за статистика. Невистина е дека владата се грижи за стопанството. Невистина е дека владата им помага на повеќе од 72.000 компании.
Според Македонскиот завод за статистика, компаниите кои годишно трошат помеѓу 500 и 2.000MWh струја, а тоа се најголемиот дел од оние 72.000 компании за кои владата тврди дека им помага, плаќаат осма најскапа струја во Европа. Имено, според извештајот на Македонскиот завод за статистика тие компании плаќаат 10,391 ден/kwh (слика 2), а тоа е еднакво на 0,16864 ден/kwh или 168,64€/MWh“, објави претседателот на најголемата опозициска партија.
Земјите од регионот, вели Мицкоски, според EUROSTAT плаќаат поевтино: Србија 89,3 €/MWh, БиХ 71,4 €/MWh, Турција 117,1 €/MWh, Косово 65,9 €/MWh, Хрватска 141 €/MWh, Словенија 143,5 €/MWh.
Мицкоски додава дека кога тој бил генерален директор на ЕЛЕМ, во првото полугодие од 2017 година македонските компании плаќале четврта најефтина струја во Европапо цена од 69,5 €/MWh.
„За пет години цената на струјата за Македонските компании владата на СДСМ ја зголеми за речиси 2,5 пати“, пишува Мицкоски.