Мицкоски: Oваа Влада ги злоупотребува претставниците на меѓународната заедница
Објавено во: Македонија 26 Август, 2023
Претседателот на ВМРО-ДПМНЕ Христијан Мицкоски кажа за што разговарале вчера со американскиот заменик-помошник државен секретар Габриел Ескобар.
Мицкоски изјави дека го искажале ставот на партијата и уште еднаш потврдиле дека ВМРО-ДПМНЕ не прифаќа уставни измени под бугарски диктат.
„Ги аргументиравме нашите позиции, го кажавме нашиот став го потврдивме и аргументиравме. Зошто тој е став е таков, зошто ВМРО-ДПМНЕ не прифаќа уставни измени под бугарски диктат. Предложивме она кое што е јасно во јавноста дека оваа влада има кредибилитет нула, морам да признам без зачуден дека оваа влада покрај тоа што има нула, ги злоупотребува претставниците на меѓународната заедница чии што дел се и САД, со лажни информации, и дел од тие лажни информации моравме да ги дебрефираме за време на состанокот и за време на средбата со Ескобар и амбасадорката Агелер“, рече тој.
Мицоски додаде дека ВМРО-ДПМНЕ е повеќе од било кој загрижена за состојбата во која се наоѓа државата.
„И ценам дека сега и лично на господинот Ескобар позициите на ВМРО-ДПМНЕ му се појасни. Ние сме исто така како нив загрижени за актуелната состојба во Македонија, но нашата загриженост ќе си дозволам да кажам е многу поголема, затоа што сепак ние живееме во оваа држава. Го делиме секојдневието, се бориме да го промениме тоа секојдневие и да значајна ни е соработката со сите наши стратешки партнери и соработката со меѓународната заедница. Но, најголем приоритет има квалитетот на нашите сограѓани и состојбата во која нашите сограѓани живеат во Македонија. За тоа да се промени потребни се предвремени парламентарни избори“, вели Мицкоски.
Тој истакна дека потребни се предвремени парламентарни избори бидејќи владата на СДСМ и ДУИ е влада без народен легитимитет.
Од Демократскиот сојуз велат дека јасно е дека без темелни и суштински реформи во судскиот систем, владеење на правото, развој и јакнење на демократијата и одговорноста, како и силна и неселективна борба против криминалот и високата корупција, тешко ќе се движиме кон Европската унија.Од СДСМ велат дека блокадата скапо ќе ја чини државата и граѓаните.