Мицотакис има сметки во 11 различни банки

Добивај вести на Viber

Во објавениот имотен лист на грчкиот премиер Киријакос Мицотакис за 2019 година се наведува дека имал вкупен нето приход од 35.964 евра, 10.000 евра заработка од недвижен имот, како и заеми од 150.000 евра. Вкупниот приход за една година му е 199.057 евра според она што го пријавил во грчкиот парламент.

Премиерот, кој лани ја превзеде власта во Грција, има 11 различни банкарски сметки во грчки банки (со мали количини), меѓу другото, изјави дека приходот од земјоделска деловна активност му е 1.884 евра на годишно ниво.

Сопругата Марева Грабовски исто така има сметки во швајцарските и француските финансиски институции, со приход од 41.364 евра плус уште 30.500 евра од експлоатација на недвижнини.

Мицотакис се декларирал дека има заштеда од 16.322 долари и 7.748,42 евра. Во врска со депозитите,во грчките банки ги има само во износ од 1.081 евра и 547 американски долари.

Поседува три куќи, од кои една од 196 метри квадратни во Глифада, уште една од 169 квадратни метри исто така во Глифада и една од 733 квадратни метри во Ксанија на Крит. Грабовски има куќа од 520 м2 во Обединетото Кралство, стан од 240 квадратни метри во Атина и викендица од 415 квадратни метри на Кикладите.

Во однос на возилата, претседателот на владеачката Нова Демократија поседува градинарско возило и 4 автомобили.