Милијардерите „осиромашија“ во 2015 година
Објавено во: Финансии 13 Октомври, 2016
Милијардерите станаа „посиромашни“ минатата година, бидејќи нивното заедничко богатство се намали, иако Азија продолжува да „произведува“ по еден милијардер на секои три дена, покажува истражувањето објавено денеска во Ројтерс.
Преносот на средства меѓу семејства, падот на цените на суровините и посилниот долар доведоа до намалување на вкупниот износ на богатството на милијардерите за 300 млд. долари во 2015 година до 5,1 трилиони долари.
Тоа значи дека во просек секој милијардер поседува 3,7 милијарди долари, покажува истражувањето спроведено на 14 големи пазара од швајцарската компанија за управување со богатството UBS и советодавна група PwC. Бројот на милијардери во студијата е 1.397, откако тој се зголемува за 50 спрема 2014 година.
- По повеќе од 20 години на невидено создавање на богатство, втората „позлатена ера“ е во застој, се констатира во извештајот. Во минатата година САД додаваат само пет милијардери на листата на која се приклучуваат 41 Американци, но отпаѓаат други 36. Кина сепак додава на листата 80 нови.
Новите богаташи во Азија можат да учат од оние во Европа, каде што уделот на „старото богатство“, што се пренесува од генерација на генерација, е најголемо. Лидери во овој поглед се Германија и Швајцарија.
Исто така, во извештајот се наведува дека треба да биде направен најголемиот трансфер на богатство во историјата. Според податоците во документот помалку од 500 луѓе ќе предадат 2,1 трилиони долари, сума еднаква по големина со индиската економија, на своите наследници во следните 20 години.