Милош Земан има две причини да го повлече признавањето на Косово
Објавено во: Свет 12 Септември, 2019
Вчера најави, а денес чешкиот претседател Милош Земан објасни дека за идејата за повлекување на признавањето на Косово има два аргументи.
Првиот е фактот дека Пратеничкиот дом на чешкиот парламент во минатото усвои резолуција во која ја повика чешката влада да не го признава Косово, а тогашната влада на премиерот Мирек Тополанек тоа не го почитуваше.
„Вториот аргумент е тоа што Хашкиот трибунал се занимава со злосторствата извршени на косовска територија. Мора да признаете дека ако водечки политичари на чело на премиерот се под истрага за воени злосторства, тоа е нешто друго од тоа кога би биле под истрага за економски криминал. Претпоставувам дека на состанокот ќе се обидам да ги применам тие аргументи а дали тоа ќе ми успее или, тоа е животот“, изјави денес Земан.
Тој додаде дека на самитот на претседателите на земјите од Вишеградската група и западниот Балкан на почетокот на октомври во Прага намерно не го поканил претседателот на Косово Хашим Тачи, а го поканил српскиот претседател Александар Вучиќ.
Земан рече дека царините од 100 отсто на српската стока сигурно не е чекор со кој косовските власти покажуваат дека би прифатиле компромис.
Премиерот на Чешка Андреј Бабиш изјави дека е спремен да дебатира со претседателот за евентуално откажување на Чешка од признавањето на Косово.
Бедека косовски претставници нема да патуваат во Чешка баш поради најавата на Земан, а денеска косовскиот премиер во оставка, Рамуш Харадинај, посочи дека поради изборни ангажирања, тој нема да присуствува на Самитот во Чешка.
Tринаесет држави го повлекле признавањето на Косово, а уште десет може да го сторат истото.