МИСТЕРИЈА: Во село некој остава коверти со пари на граѓаните
Објавено во: Свет 14 Март, 2019
Робин Худ им остава коверти со пари на жители во шпанско село.
Мештаните во ова село добиваат коверти со пари во поштенските сандачиња или под вратите, а не знаат од кого се. Локалните весници веќе го нарекуваат „Робин Худ“.
Градоначалникот на Виљарамиел, Нурија Симон вели дека минатата седмица, 15-тина лица од вкупно 800 жители на селото, добиле по сто евра во коверт.
„Сите сме збунети и во очеквање да дознаеме кој е добродетелот. Вдовица, којашто живее со син ѝ, двојки со мали деца, повозрасни брачни двојки, двојки на средна возраст без деца… Нема некоја поврзаност меѓу избраните „добитници“ – изјави градоначалникот.
Некои од нив отишле в полиција или в банка, за да проверат дали банкнотите се вистински. Се покажало дека се вистински.
Властите велат дека во овој случај, не е извршен никаков прекршок.