ММФ не гледа докази за почеток на валутна војна
Објавено во: Економија 09 Февруари, 2017
Меѓународниот монетарен фонд засега не гледа знаци дека е можна валутна војна на најмоќните светски економии, особено меѓу САД и Кина, откако Доналд Трамп стана нов претседател.
„Не гледам докази дека има сигурна политика на носење одлуки кои ќе не наведат да помислиме дека сме на пат на голема валутна војна. Сепак, мислам дека ваквите тврдења во многу медиуми се незрели засега“, посочи портпаролот на ММФ Гери Рајс.
ММФ во текот на оваа година ќе има разговори со водечките 20 економии во светот со цел да се гарантираат начелата на слободна и фер трговија.