МНР ќе купува објекти, стигнаа парите од продажбата на имотот на Југославија во Њујорк
Објавено во: Македонија 08 Октомври, 2022
Легнаа четири милиони долари од продажбата на имотот на Југославија во Њујорк, a македонското Министерство за надворешни работи (МНР) ќе купува објекти.
Пред два дена на сметката на мисијата на Република Северна Македонија во Њујорк, САД, легнале четири милиони долари од продажбата на заедничкиот имот на поранешна Југославија.
Со тие пари, како што соопшти денеска министерот за надворешни работи Бујар Османи, ќе се купуваат објекти за нашата тамошна мисија.
„Во меѓувреме, владата донесе одлука во рамки на тие средства да се купува објект за нашата мисија во Њујорк и со остатокот од средствата во регионот, така што одиме во искористување на средствата директно за потребите на МНР. Досега со сукцесијата МНР добива неколку објекти од резиденцијата во Париз која веќе е наша амбасада, преку станови во Рим, Трст, дел од објект во Њу Делхи, дел од објект во Бразил, Канбера и сите тие се обидуваме да ги ставиме во функција на нашата мрежа“, изјави денеска Османи.
Остануваат да се поделат и други објекти на поранешна Југославија во други држави, а меѓу нив се и во Романија и Албанија.
Можеби ќе ве интересира
ФАКТОР НА ДЕНОТ: Љупчо Палевски е екстрадиран од Турција во Македонија
МИНИСТЕРСТВО ЗА ПРАВДА: Голема благодарност до Турција за екстрадицијата на Палевски
ПРИСТИГНА ВО МАКЕДОНИЈА: Се појави фотографија од Палчо во авионот
ПАЛЕВСКИ СТАПНА НА МАКЕДОНСКО ТЛО: Ќе биде транспортиран во Шутка
AНТОНИО МИЛОШОСКИ: Спорно е што Oсмани си ја кодоши сопствената држава и што тоа го прави во МНР
Љупчо Палевски вечерва ќе биде донесен во Македонија?
НАСТАНОТ „ПРЕСПА ФОРУМ“ СЕ ОДЛАГА: Kоја е причината?
СИРИЗА ДО ГРЧКИОТ ПАРЛАМЕНТ ГИ ДОСТАВИ МЕМОРАНДУМИТЕ: Какви бенефити носат за Македонија?
ГРЧКИ ПРАТЕНИК ГО ИСКИНА ДОГОВОРОТ ОД ПРЕСПА: Oбвини дека Македонија го прекршила договореното
