МНР повика на зрело однесување во пресрет на отворање на бугарскиот клуб во Охрид и најавениот протест
Објавено во: Македонија 06 Октомври, 2022
Да се однесуваме зрело и достоинствено, порача македонското Министерство за надворешни работи (МНР) пред протестот против отворањето на бугарскиот клуб Цар Борис Трети во Охрид.
„По повод најавеното отворање на новото здружение на граѓани во Охрид, како и јавните повици за изразување на протест против истото, Министерството за надворешни работи на Република Северна Македонија упатува апел до сите граѓани, политички и неполитички групации за зрело и достоинствено однесување, втемелено врз почитта кон правото на сите граѓани, без разлика на својата етничка припадност, да ја остваруваат својата уставно загарантирана слобода на здружување и за слободно изразување на својот став“, објави денеска МНР.
Во јавноста се појавија многу негативни реакции поради отворањето на клубот, а го осуди и Еврејската заедница во Македонија, која го нарече „повампирувањето на ликови од фашистичкиот период на Бугарија“.
„Во контекст на горенаведеното, ги замолуваме сите чинители да се воздржат од обиди за злоупотреба на своите права и слободи, особено да избегнуваат употреба на провокации и негирање на правата и слободите на другите“, стои во соопштението од МНР.
ВМРО-ДПМНЕ и Левица изразија револт и повикаа на протест утре во 11.30 часот.За Христијан Мицкоски, лидерот на ВМРО-ДПМНЕ, утрешното отворање на новиот бугарски културен клуб „Цар Борис Трети“ е провокација и повика на масовен протест во Охрид. Бугарски клуб веќе има во Битола.
Можеби ќе ве интересира
БЕЌАРОВСКИ НА ДЕМИРИ: „Се надевам дека објавата е без ваше знаење и одобрение, јавно оградете се од оваа несреќна објава и да ми се извините за нанесената повреда на мојата чест и углед“
(ФОТО И ВИДЕО) ДОЦНА ВО НОЌТА ЗАПАЛЕН АВТОМОБИЛОТ НА ДИРЕКТОРОТ НА ИДРИЗОВО ЗОРАН ЈОВАНОВСКИ - граѓаните вознемирени
ЕВЕ ЗОШТО Е РАЗРЕШЕН МЕДИЦИНСКИОТ ДИРЕКТОР НА ТОКСИКОЛОГИЈА, МЗ ОБЈАВИ ПИСМО ОД ВРАБОТЕНИТЕ ВО КОИ СЕ СПОМЕНУВА И Д-Р БЕЌАРОВСКИ: Беќаровски најави тужби
УЧИТЕ ГЕРМАНСКИ ЗА ДА СЕ ИСЕЛИТЕ: Колку време ви треба да стигнете до Б1 нивото?
ТРАЈКО СЛАВЕСКИ ОТКРИ КАКВИ СЕ ПЛАНОВИТЕ СО ГРУЕВСКИ СЕГА КОГА ВМРО-ДПМНЕ ПОБЕДИ НА ИЗБОРИТЕ: „Тој сега си има работа со Република Македонија“
ЕВЕ СО КОЛКУ ИМОТ РАСПОЛАГА НОВАТА ПРЕТСЕДАТЕЛКА СПОРЕД ПОСЛЕДНИОТ АНКЕТЕН ЛИСТ: Имот на нејзино име нема, но има неколку штедни книшки со пари
ДОАЃА И ТОПОЛ БРАН ОД АФРИКА И НЕВРЕМЕ: Еве што нѐ чека од петок
ФАКТОР НА ДЕНОТ: Медицинскиот директор на Токсикологија е разрешен
