МОЖЕ И ПОДОБРО: Македонија на 38 место по слобода на медиумите
Објавено во: Македонија 03 Мај, 2023
Медиумските слободи се загрозени поради структурни проблеми, се вели во најновиот извештај на Репортери без граници кој се однесува на индексот на слобода на медиумите. Македонија напреднала за 19 места во споредба со лани и сега се наоѓа на 38 место од вкупно 180 земји кои се најдоа на листата. Иако има напредок, сепак, во земјава медиумските слободи се загрозени.
-Целокупната средина останува поволна за слободата на медиумите и дозволува критичко известување, иако транспарентноста на институциите е прилично слаба. Продолжува и тенденцијата, владините функционери да имаат лоши и понижувачки ставови кон новинарите, стои во извештајот за Македонија.
Од балканските земји, само Србија е на полошо место и паднала за 12 поени, односно на 91 место. Па така, во извештајот се вели дека провладините медиуми шират руска пропаганда.
Албанија е на 96. место, а потоа следат Босна и Херцеговина на 64, Косово 56, Црна Гора 39 и Хрватска е 42-ра по редослед на листата.
Најдобри за слободата на новинарствот се скандинавските земји – Норвешка, Данска, Шведска, Финска, а 4-та е Ирска, а најлошо оценети се Туркменистан, Иран, Виетнам, Кина и Северна Кореја.