МВР со препораки до сите навивачи
Објавено во: Македонија 08 Август, 2017
Министерството за внатрешни работи информира дека ги презеде сите потребни мерки и активности со цел организацијата на Суперкуп натпреварот на УЕФА меѓу екипите на Реал Мадрид и Манчестер Јунајтед во Скопје да мине во најдобар ред.
Ангажирани се 2.600 полициски службеници кои се задолжени за безбедноста на присутните во фудбалската арена “Телеком“, реонот околу фудбалскиот стадион и фан-зоните, каде што поголем дел од денот престојуваат навивачите на двата клуба.
- Апелираме до сите кои имаат
билети за следење на овој натпревар да дојдат порано на националната арена заради
избегнување на непотребни гужви. На влезот се предвидени ригорозни контроли и
нема да биде дозволено внесување на монети,
запалки, лименки, шишиња или
други предмети, велат од МВР.
Според инструкциите на УЕФА, на стадионот може да се внесат само знамиња на фудбалските клубови Реал Мадрид и Манчестер јунајтед и знамиња на Шпанија и Англија.