24 Јануари, 2018
0.4842
    ALK 7707.16    0.11%     BESK 9518    -4.73%     FERS 56000    0%     GRNT 830    0%     KMB 3080.48    -1.77%     MPT 28856.12    -0.18%     PPIV 37500    0%     RMDEN13 96    0%     RMDEN16 94.5    0%     SBT 2080    2.97%     STBP 600    0%     STIL 149.79    -2.73%     TEL 284.57    0.55%     TIKV 153    0%     TTK 973.78    2.5%     UNI 1999.2    -0.04%     VITA 7562    7.08%

МЗШВ достави 13.580 барања до Бирото за судски вештачења за проценка на штетите од годинешните пролетни мразеви

Објавено во: Агробизнис 22 Септември, 2017

Министерството за земјоделство, шумарство и водостопанство денеска до Бирото за судски вештачења,  достави 13.580 барања за проценка на штетите од неповолните климатски настани (доцни пролетни мразеви), што се случија во април годинава. Станува збор за барања доставени од 27 општини/ Подрачна единица и  проценка на 49.556 катастерски парцели, за кои што Подрачните единици на МЗШВ, утврдиле дека временските непогоди имаат нанесено штети врз земјоделските култури.

Се работи за општините/Подрачни единици, Охрид, Дебарца, Струга, Велес, Пехчево, Виница, Демир Хисар, Карпош, Неготино, Тетово, Кратово, Гостивар, Боговиње, Радовиш, Чаир, Струмица, Кочани, Крушево, Делчево, Гевгелија-Богданци, Македонски брод, Берово, Дебар, Битола, Прилеп, Кавадарци и Ресен.

Во очекување се барањата од уште 5 општини ( Гази Баба, Куманово, Кичево, Штип и Свети Николе), чии што барања претходно беа вратени поради утврдени грешки во доставената документација.

Проценката на штетите ќе се спроведува согласно Законот за земјоделство и рурален развој  и Уредбата за начинот на утврдување на неповолен климатски настан, настаната штета, пресметување на загубата на приходот, пресметката на штетата, постапката за исплата на помошта.

Бирото треба  да изготви извештаи со проценка на настаната штета во денари, поединечно за секој барател. Добиените извештаи од Бирото за судски вештачења, ќе бидат проследени за исплата до Агенцијата за финасиска подршка во земјоделството и руралниот развој, која што за секој подносител на барање ќе изготви решение за исплата за настанатата штета или известување доколку не ги исполнува условите за обештетување.

Министерството за земјоделство шумарство и водостопанство во изминатите три месеци интензивно работи на забрзување на процесот на активностите во врска со исплата на обештетувањато на земјоделците од неповолните климатски услови што се случија во 2017 година.

МЗШВ информира, дека со цел забрзување на целата процедура за исплата на обештетувањата, МЗШВ на 14.09.2017 година достави допис до Бирото за судски вештачења, за враќање на документацијата за 11 општини, која претходно е доставена до Бирото за судски вештачења, а по која во Бирото не се постапуваше поради неусогласеност на договорот за соработка помеѓу МЗШВ и Бирото. Овој договор бил потпишан од претходната власт која нарачувала проценки за продажба на земјоделско земјиште преку Бирото за судски вештачења, но не ги платила надоместоците за истите, поради што од Бирото бараа да се надмине овој проблем, за да може да продолжи постапката на соработка меѓу двете институции согласно договорот.

Можеби ќе ве интересира

Николовски потпиша свечена изјава за поддршка на Европската декларација за развој на производството на соја без ГМО

Николовски потпиша свечена изјава за поддршка на Европската декларација за развој на производството на соја без ГМО

Расте откупната цена на тутунот, се интензивираат инвестициите во тутунската индустрија

Расте откупната цена на тутунот, се интензивираат инвестициите во тутунската индустрија

Дали земјоделците должници ќе можат до државни субвенции?

Дали земјоделците должници ќе можат до државни субвенции?