НА 10 И 13 ГОДИНИ СИЛУВАЛЕ УЧЕНИК КОЈ ИМА 8 ГОДИНИ - Случајот кој ја потресе јавноста во раце на обвинителите
Објавено во: Македонија 30 Април, 2023
Само 8 години било старо детето кое било силувано од двајца други малолетници, дознава Телма од извори во истрагата за ова злосторство.
Напаѓачите односно силувачите имале 10 и 13 години. Тие грозоморниот чин го снимале на мобилен и потоа го праќале на своите другарчиња.
Видеото не е објавено на социјалните мрежи. Кога дознала, мајката на силуваното дете веднаш го пријавила случајот во полициската станица Битпазар.
- Преземени се соодветни мерки и активности и веднаш во полициската станица извршен е службен разговор со малолетниците, но и со родителите затоа што станува збор за малолетници кои се под 14 години.
Случајот е документиран и поднесен е соодветен поднесок до обвинителство. Отсега случајот е во надлежност на Основното јавно обвинителство и Центарот за социјални работи - вели Тони Ангеловски, портпарол на МВР.
Во моментов случајот е во рацете на јавен обвинител.
- Основното јавно обвинителство е известено за настанот. Пријавените деца е помали од 14 години, па со оглед на тоа се исклучени од кривична одговорност. Центарот за социјални работи ќе го провери случајот - велат од ОЈО.
Родителите на силувачите биле повикани во станица, а известен е и Центарот за социјални работи.
Од Центарот велат дека веднаш разговарале со децата. Отсега центарот ќе работи и со децата и со нивните родители.
Од Министерството за внатрешни работи велат дека ова не е прв ваков случај и апелираат до родителите повеќе да внимаваат што прават нивните деца користејќи ги социјалните мрежи.