На Хаваи блокирано, десет дена борба со вулкан

Добивај вести на Viber

Сообраќајот од денеска на шест патишта е запрен во Хаваи поради сеизмичка активност во подрачјето околу вулканот, а властите најавуваат и нова рунда евакуација на населенето поради  зголемување на бројот на вулкански пукнатини.

При повлекувањето на лавата од врвот во внатрешноста на вулканот, таа се разлева под земјата, поради што научниците предупредуваат дека може да избие на површината и дека на сите им се заканува опасноста да се појави огромна количина отровни материи во воздухот кои можат да предизвикаат гушење и труење. Дел од експертите пак се оптимистични наведуваат дека нема смртна опасност за жителите.

„Килауеа е поинаков вид на вулкан - но факт е дека снимателите стојат таму снимаат- лавата поминува до нив и тоа ни покажува дека вие во суштина можете да бидете таму и никој не е убиен од тоа, ова ни покажува  дека станува збор за спор вулкан, можете да видите и како вулканот  исфрла лава но се што треба да направите е да се тргнете настрана и ќе бидете во ред, Килауеа е многу поинаков од останатите вулкани во светот“ - изјави Боб МекДоналд, експерт.

Вулканот е еден од најголемите светски вулкани според количината на излеана лава, тој беше проследен со низа земјотреси од кој најсилниот беше  со јачина од 6,9 степени. Лавата уништи повеќе од 35 домови и згради во регионот, но нема жртви.