На Табановце се чека со часови пред празниците
Објавено во: Македонија 25 Декември, 2022
Долги колони чекаат со часови на граничниот премин Табановце. Огромен број на изеленици се враќаат назад во Македонија за да ги искористат претстојните празнични денови за одмор, објави ТВ Алсат.
Нов наплив на патници се очекува и во текот на наредната недела поради новогодишните празници. Ваквите слики се повторуваат веќе неколку години, иако нашите власти во рамките на иницијативата „Отворен Балкан“ презедоа чекори за спроведување на опцијата One stop Shop, за чекање само на едната страна на границата, но ниту тоа не ги намали гужвите.
Алсат известува дека некои граѓани пеш го минувале граничниот премин во текот на денот.