Добивај вести на Viber
138 милијарди долари достигнале загубите причинети од природните катастрофи во светот во 2012 година. Половината од таа сума е причинета во САД, од сушата и од ураганот Sandy, соопштија Обединетите нации.
Околу 50 милијарди долари ураганот Sandy, кој во октомври минатата година го опустоши источното крајбрежје на САД, му нанесе на тој регион, покажуваат податоците на службата за намалување на ризици од катастрофи UNISDR.
Следната најскапа катастрофа исто така ги погоди САД, каде сушата во јужните делови на државата нанесе штета од 20 милијарди долари.
Минатата година беше втора година по ред во која загубите, поврзани со природни катастрофи, ја надминаа цифрата од 100 милијарди долари.