Нафтениот гигант Ексон Мобил се жали за казната за руските бизниси
Објавено во: Економија 21 Јули, 2017
Нафтениот гигант Ексон Мобил од САД ќе ја обжали одлуката на Трезорот во висина од 2 милиони долари изречена поради наводно кршење на поставените санкции од американската влада кон руската државна нафтена компанија Роснефт и нејзиниот генерален извршен директор Игор Сечин.
Според Ексон Мобил договорите кои нејзините руски подружници ги потпишале со Роснефт датираат пред САД да воведе санкции кон Русија во 2014-та поради вмешувањето и разгорувањето на конфликтот во Источна Украина. Во тоа време директор на Ексон Мобил беше Рекс Тилерсон кој сега му е главен соработник на американскиот претседател Доналд Трамп и служи како Државен секретар.
Ексон Мобил тврди дека Сечин тогаш бил ставен под персонални санкции од САД, а тоа не важело и врз Роснефт компанијата со која управува. Тилерсон во тоа време жестоко се противеше на анти-руските санкции, но штом влезе во политиката мораше да застане на линија на однапред утврдената американска надворешна политика каде санкциите против Русија нема да се укинат во скоро време.