Најголемата руска банка ја напушта Украина
Објавено во: Економија 28 Март, 2017
Најголемата руска банка „Сбербанк“ објави дека го продала својот удел во Украина.
Во соопштението на финансиската институција чиј контролен удел се држи од руската држава, се наведува дека таа има склучено договор со конзорциум од инвеститори. Во неговиот состав влегуваат како латвиската „Норвик банка“, така и приватни компании од Белорусија.
„Договорот се очекува да биде завршен во првата половина на 2017 година“, посочуваат од „Сбербанк“, пренесува Макфакс.
Банката се соочува со потешкотии во Украина од 2014 година, кога руската држава го анектира полуостровот Крим. Според украински активисти „Сбербанк“ е симбол на несаканото руско присуство во земјата и нејзините филијали и згради кои често пати станувале предмет на вандализам во последните три години.
На 16 март украинскиот претседател Петро Порошенко воведе едногодишни санкции на голем број руски државни банки во земјата, вклучувајќи ја и онаа на „Сбербанк“, кои и забрануваат да го извезува нејзиниот капитал надвор од земјата.
Во рамките на кампањата за одземањето на лиценцата на банката во Украина, претходно овој месец активисти го заѕидаа влезот на една нејзините филијали во Киев.
Можеби ќе ве интересира
Бугарскиот „Флекс Кредит“ ќе врти кај должници и ќе бара наплата за компании
НАЦИОНАЛНО БИРО ЗА ОСИГУРУВАЊЕ: Цената на авто осигурувањето е непроменета од 2008 година, реално е покачувањето
„Алкалоид“ добитник на „Патент на годината за 2023“ за иновативниот „Омепразол“ во течна форма
Трендафилов: Газдите пријавуваа исчезнување на Непалките зошто им го платија патот до тука
Кина има за цел да склучи повеќе договори за слободна трговија, ветувајќи зголемена отвореност
НАЈГОЛЕМИТЕ ЕКОНОМИИ ГИ ПОДБРАА БОГАТАШИТЕ: Милијардерите да плаќаат даноци за да ја надоместат штетата на светот
СТАНОВИ И КАНЦЕЛАРИИ „ТЕШКИ“ 600 ИЛЈАДИ ЕВРА ОДАТ НА БАРАБАН: еве каков имот нудат банките на продажба
ССМ НАЈАВИ ПРОТЕСТ ЗА 1 МАЈ: Бараат минималецот да изнесува најмалку 450 евра
„ДОЈЧЕ БАНК“ ГИ ИЗНЕНАДИ АНАЛИТИЧАРИТЕ: Ја објави нето добивката
