Најстарата банка во светот скратува 2600 вработени
Објавено во: Економија 25 Октомври, 2016
Најстарата банка во светот - италијанска "Монте ДЕИ Паскал ди Сиена", ќе скрати 2.600 работни места за три години.
Ова се случува по загуба од 849 милиони евра за првите девет месеци од годинава поради лошите кредити, соопштија светските агенции. Проблематичните кредити се во вредност од 28.5 милијарди евра
Финансиска институција, основана во 1472 година, спроведува голем план за реструктуирање, откако во јули е рангирана на последно место во европските тестови за отпорност на банките.
Банката бара нов акционер кој ќе се вклучи во зголемувањето на капиталот, рече главниот извршен директор Марко Море, цитиран од американските медиуми.
Според планот, зголемувањето на капиталот ќе зависи од ослободувањето од проблематичните кредити, од кои повеќето ќе бидат "складирани" во одделно друштво кое ќе плати за нив 33% од нивната вредност. Двете операции треба да бидат завршени до крајот на 2016 година.