Напаѓачот од Париз рекол дека ќе умре за Алах?
Објавено во: Свет 19 Март, 2017
Радикалниот муслиман кој вчера нападна војници на парискиот аеродром Орли носел канта безин и викал дека „ќе умре за Алах“, објави парискиот обвинител, Франсоа Молан.
Војниците кои биле сведоци на нападот, велат дека тој вперил воздушен пиштол во главата на војничката и викнал: „Фрлете го оружјето. Ставете ги рацете зад главата. Тука сум за да умрам за Алах. Вака или онака, ќе има мртви“.
Но, тие пукале и го убиле напаѓачот кого Молан го идентификуваше како Зеид бен Балгаце. Обвинителот соопшти дека во поврзаност со инцидентот се уапсени три лица.
Молан рече дека е отворена терористичка истрага, поради изборот на метата и доказите дека Белгацем бил радикализиран.
Беноа Брулон, портпаролот на француските антитерористички сили, изјави дека војничката е во добра состојба.
Во разговор за телевизијата БФМ тој откри дека припадничката на воздушбите десантни сили паднала на подот додека се борела со својот напаѓач.
Полицијата ги привела братот и таткото на напаѓачот, соопштија судски извори, истакнувајќи дека тоа е рутина во вакви ситуации.
Западниот терминал на аеродромот Орли повторно бил отворен вчера попладне, а јужниот терминал каде што се случил нападот е делумно затворен.