Наскоро ќе почне зимското сметање на времето
Објавено во: Македонија, Свет 08 Октомври, 2022
На 30 октомври почнува зимското сметање на времето.
Времето во 3 часот во недела на 30 октомври се смета за два часот. Компјутерите, мобилните телефони и другите современи уреди кои го покажуваат точното време автоматски ќе се „префрлат“ на зимско сметање на времето, но доколку сè уште имате аналоген приказ на времето или некој постар уред што „не може“ да го направи тоа автоматски, не заборавајте да ги поместетеи стрелките наназад еден час, од 3:00 до 2:00 часот.
Не е постигнат договор за предлогот на Европската комисија од пред четири години за укинување на сезонската промена на часовниците во последната недела од март и октомври. Во 2019 година предлогот беше поддржан од Европскиот парламент, но треба да биде усвоен од земјите-членки.
Зимското сметање на времето почнува секој последен викенд во октомври и трае до последниот викенд во март следната година.