Научници си играат богови - Од клонирано куче направиле нови клонови

Добивај вести на Viber

Тим на научници од Универзитетот во Сеул, Јужна Кореја, Државниот Универзитет од Мичиген, како и Универзитетот од Илиноис си поигруваат со можноста за клонирање на животни во најновата научна студија за експериментот кој трае веќе десетина година, а вклучува клонирање на кучиња. 

Во првиот експеримент клониран бил авганистански пес кој живеел 10 години, речиси идентично како и неговиот оригинал кој исто така од рак починал на 12 години. Оваа раса на кучиња во просек живее нешто над 11 години, па така кај клонот наречен Снупи немало ништо невообичаено, кучето имало нормален и удобен живот на Универзитетот во Сеул.

Следен чекор за утврдување дали клонираните животни кои имаат исти генетски специфичности како оригиналите било да се направат клонови кученца од самиот клон Снупи. Успешно родени се четири кутриња од кои само едно подоцна починало. Останатите три веќе имаат една година и одлично се развиваат без никакви досега регистрирани проблеми.

Главна цел на овие генетски експерименти е да се утврди дали клонирањето на животно е опасно, дали тие стареат побрзо, дали се изложени на болести и други аномалии. Прогнозите се дека за неколку децении ќе се користат клонирани животни за исхрана на луѓето, како и на пример за замена на умрени домашни миленичиња со нивна замена со клон. 

Секако, сите аспекти на клонирањето се етички и морално дискутабилни бидејќи како за животните така еден и за луѓето кои би се клонирале постојат многу пречки и дилеми.