Не поминаа три дена ВМРО-ДПМНЕ ја прогласи владата на СДСМ за анти-реформска
Објавено во: Македонија 03 Јуни, 2017
ВМРО-ДПМНЕ не почека ни три дена од формирањето на новата влада на СДСМ за веднаш да ја прогласи за анти-реформска, најмногу заради укинувањето на екстерното тестирање, но и заради кревањето тензии по обидот за атентат врз Никола Тодоров.
„СДС уште не влезе во влада почна да релативизира. Се што ветуваа за избори сега го претставуваат како цел кон која тежнеат. Толку вреди зборот на СДС.
Додека народот чека субвенции, поголеми плати просечна плата од 30.000 денари како што ветуваа, тие смислуваат црни сценарија за ВМРО-ДПМНЕ се со цел народот да заборави на лажните ветувања кои СДС ги расфрлаше во изминатиов период. СДС знае да управува само со лажни ветувања и смислување на црни сценарија.
Наместо СДС да спроведува реформи кои долго време ги најавуваше, тие организираат хистерични хајки против ВМРО-ДПМНЕ се со цел да се елиминира единствената политичка партија која деноноќно работи за националното единство и просперитетот на сите граѓани во државата.
Деструктивната политика на СДС се повеќе се забележува. Налудничаво е СДС да говори за судскиот систем, но сосема очекувано е да бега од исполнување на економските ветувања.
Првата изјава на Зоран Заев затоа не е за покачување на пензиите или покачување на просечната плата до 30.000 денари. Првата изјава е за смена на Јавниот обвинител кој го гони затоа што барал поткуп од едно евро за Вице.
Се поочигледно е дека Владата на аболицираниот криминалец Зоран Заев и СДС нема што да понудат на македонскиот народ освен лажни ветувања, деструкција и страв.
Поради тоа оваа влада не е реформска туку анти-реформска“ се вели во соопштението на ВМРО-ДПМНЕ.
Можеби ќе ве интересира
ПОЧНА ПРЕДИЗБОРНАТА „ВОЈНА“: Во Кичево украден банер со рекламен материјал на политичка партија
ЗА ЛЕТНИ ТЕМПЕРАТУРИ ЌЕ СИ ПОЧЕКАМЕ: И мај ќе го поминеме со постудено време и чести врнежи од дожд
„НА ОВОЈ ДЕН ПОЧИНАА ДВАЈЦАТА НАЈГОЛЕМИ МАКЕДОНЦИ, СЀ ДРУГО БАРЕМ ЗА МЕНЕ Е ЛАГА“: За д-р Беќаровски, четврти мај е македонскиот „Велики петок“
ВАНКОВСКА ПРОГНОЗИРАШЕ КОЈ ЌЕ ПОБЕДИ НА ИЗБОРИТЕ, НО ДАДЕ МИСЛЕЊЕ И ЗА ДРУГИ ВАЖНИ ТЕМИ: „Македонија нема да може да биде ни твоја ни наша“
АНГЕЛОВ НАЦРТА ЦРТЕЖ ЗА БУЈАР ОСМАНИ: „Според Бујар Османи токму тој едниот Албанец од ДУИ е клучен“
ТРИ СТЕПЕНИ ГО ТРЕСЕА НОЌЕСКА СКОПЈЕ: Земјотресот потврден и од Сеизмолошка опсерваторија на Македонија
ГРАДОНАЧАЛНИЧКАТА ДАНЕЛА СЕ РЕКЛАМИРА НА КАМИОНИ: Низ Скопје провозе камион со налепници на партијата на Арсовска
СПАСУВАЧКА ДРАМА НА ЦУК: Повозрасно лице се изгубило на Плачковица, спасителите од „Осогово“ Кочани го најдоа во еден часот утрината
„ПО ВТОР ПАТ СТАНУВАМ СРЕЌЕН СВЕКОР“: Љупчо Бујото доби уште една снаа
