НЕ САМО ДИМЕ СПАСОВ: Екс функционери ги враќаат парите трошени од службени картички!

Добивај вести на Viber

Поранешните функционери кои трошеле пари за лични потреби од службените картички да ги вратат, порача Христијан Делев, член на ВМРО-ДПМНЕ, во дебата на Телевизија 24. Делев сепак, вели оти незнае дали има такви, но доколку некој трошел за лични потреби принципелно е да ги врати парите.  

„Принципиелно е ако некој ги користел средствата за лични потреби, да ги врати средствата. И тоа е принципелно и тоа е правично. Сакам да бидам правичен. Но дали е тоа така, незнам, бидејќи не сум видел. Ако сум бил јас принципелен очекувам и сите други да бидат ако трошеле за лични потреби да си ги вратат парите, вели Делев за Телевизија 24.

Тврди дека тој службената картичка не ја користел за лични потреби туку само наменски кога одел на пат за службени цели.

„За лични потееби не ја користев картичката. Секогаш коростев кога одев на пат, таму каде што требаше. Никогаш не користев кеш средства, сакав да има трага за што сум трошел и да биде транспарентно, вели Делев за Телевизија 24.

Дополнително тврди дека заменик министерот за земјоделство, Ванчо Костадиновски ги вратил парите, но дека медиумите тоа не го објавиле. Костадиновски според трошоците направени од службената картичка – најчесто вадел кеш пари, но пазарел по маркети, спа центри и луксузни хотели а плаќал и за седнвичи од стотина денари.  

Иако повеќепати се обидовме да стапиме во контакт со Костадиновски, во моментот кога беа објавени неговите трошоци како заменик министер за земјоделство тоа остана безуспешно.

Додека пак министерот за земјоделство Михаил Цветков, освен што пазарел по марекит, тој пазарел и по брендирани бутици со службената картичка.  

Засега пари врати само поранешниот министер за труд и социјална политика Диме Спасов. Спасов ги врати само парите што ги трошел од служена картичка на возач на Агенцијата за вработување. Таа картичка му била дадена од директорот н Агенцијата Влатко Поповски, во време кога Спасв беше дополнителен заменик министер за труд и социјлана политика. Кога возачот дознал за трошењата,  случајот го пријавил во институцијата. Со промената на власта скандалот беше обелоденет. По што, Диме Спасов, преку Влатко Поповски му ги врати парите на возачот на чие име се водела службената картичка а тој ги уплатил во институцијата, но повторно алармирал за случајот.

Иако, парите се вратени, раководството во Агенцијата не отстапува и ќе бара одговорност за овој случај.

Засега, иако се обелдоенија голем број на трошења на ппоранешни функционери, кои според сметките е очигледно дека се за лични потреби, никој не одговараше, ниту пак има покрената постапка,а во министерставта каде се обелоденија скандалите, посочуваат или дека сеуште прават целосна ревизија или дека се чека смена во јавото обвинителство за да се пдонесат кривични пријави.