НЕ СИ ГО ГУБЕТЕ ВРЕМЕТО: Зошто треба да престанете да спиете толку многу?!
Објавено во: Стил 05 Август, 2016
Сонот е болна тема за многу луѓе. Поголемиот дел од населението спие повеќе отколку што има потреба. Тие паѓаат во оваа стапица и ги поминуваат најубавите часови од својот живот сонувајќи.
Го трошат времето и потенцијалот, кој би можел да им донесе неверојатни дарови. Ја губат битката со кревет, разменувајќи го задоволството со слатка дремка. А не треба да е така! Не треба да трошите и момент од времето во кое може да се развивате и да се доближите до врвот на планината.
Престанете да спиете толку многу и одвојте повеќе време за вашите соништа и замисли
Многу е важно да се разбере дека сонот води со себе уште сон. Колку повеќе спиете, толку повеќе сон ви е потребен. Сигурно сте забележале дека кога спиете повеќе се чувствувате поспани. Чудно, нели? Но вистина е.
Се разбира дека спиењето е важен фактор за да бидеме одморени, бодри и здрави, но не претерувајте со него. За да станете добри во она што го правите, ќе треба да спиете помалку од вообичаеното. Сонот е добра работа, но го ограничува високиот потенцијал на човечкиот живот. Колку подолго спиете, толку повеќе сонот ќе ви пречи да постигнете совршенство. Тоа им се случило на многу луѓе кои ја избрале перницата пред можностите кои ни ги дава животот.
Има премногу важни нешта да се направат, премногу убави места за посетување и доволно големи цели за постигнување, за да спиете премногу долго. Животот е за живите, а не за поспанковците. Секој ден е дар за нас, бидејќи имаме можност да направиме нешто битно, да го искористиме талентот и да се забавуваме со пријателите. Не отфрлајте го овој скапоцен подарок и запомнете што рекол големиот Бенџамин Френклин: „Ќе имате многу време да спиете кога умрете“.
