Добивај вести на Viber
Според одлуката на хрватската влада од 2009-та, претседателите на управите и директорите на јавните претпријатија не треба да имаат поголема нето месечна плата од 17.289,60 куни( околу 2280 евра), пишува Вечерњи лист.
Но, повеќето директори на јавните и државни компании имаат повисоки плати Извршниот директор Питер Пискач, според пријавените средства, има плата од 20.005 куни, што е речиси иста сума како и на премиерот Зоран Милановиќ, кој добива 20.285 месечно нето плата. Директорот на „Plopvut“ Дарко Мештровиќ има поголема плата од таа што до неодамна ја имаше потпретседателот на Владата, Радимир Чачиќ. Имено Мештровиќ месечна земал 19.796 куни, а Чачиќ на сметка од државата добивал 19.620 куни, објави весникот.
Претседателот на управата на автопатот Риека0Загреб, Жељко Денона, месечно за својата работа добива нето плата од 19.400 куни, а неговиот ресорен министер Синиша Хајдаш Дончиќ зема плата од 18.523 куни. Повисоки плати од Хајдаш Дончиќ имаат директорите на хрватската железница; Дражен Ратковиќ (Железници транспорт на патници) зема плата од околу 19.000 куни, исто колку и Дарко Перчиќ (Железници Инфраструктура) и Џон Лешковиќ(Железници Карго), пренесува весникот.
Владата има направено намалување на платите во 30 институции преку неколку одлуки со кои се изедначуваат коефициентите за плати во државните институции, служби и установи. Според новите пресметки најпогодени ќе бидат оние со највисоки плати.
Платите на директорите и нивните заменици , според одлуката на Владата се намалуваат од 2000 до 5.000 куни.