Добивај вести на Viber
Работниците се охрабрија да ги пријавуваат газдите за неисплата или за формална исплата на регресот за годишен одмор, односно популарно наречениот К 15.
Покрај пријавите на работниците до подрачните одделенија на Државниот трудов инспекторат, поплаки од работници имало и до граѓанското здружение Гласен текстилец.
Кристина Ампева од Гласен текстилец за штипската телевиија ТВ Стар изјави дека ако вчера бројката на пријави од работниците изнесувала околу 50, денеска веќе нивниот број достигнал 66 пријави.
„Од она што го гледаме, во некои фирми има исплата на К15 по 100 денари, или на пример, во Куманово, имме исплата на 250 денари, понатаму има исплати и од 2.000 денари. Меѓутоа, она што го гледаме оваа година, е дека многу повеќе од работодавачите се осмелија воопшто да не исплатат регрес за годишен одмор, односно нула, а тоа колективниот договор не го дозволува“, рече Ампева.
Затоа Гласен текстилец бара да се ангажираат повеќе трудови инспектори, но и бараат законски измени.
„Сакаме до петок да ги собереме сите податоци и да ги испратиме до надлежните. И треба да се испита дали има спогодба во фирмите каде што се исплагтиле вакви срамни суми од 100 или 250 денари. Морам да напоменам дека овде не е проблемот до Државен трудов инспекторат, туку проблемот е до тоа што го овозможува општиот колективен договор, што е намерно оставена дупка за да се манипулира. Додека не се смени Законот за работни односи, не е добро. Значи, треба оваа обврска да се стави во ЗРО, да се прецизира сумата која треба да се исплати и таа да влезе во Законот и да важи за сите подеднакво“, вели Кристина Ампева од Гласен текстилец.