Непознат сторител го вандализирал македонскиот клуб „Никола Вапцаров“ во Благоевград уште пред да биде официјално отворен
Објавено во: Македонија 05 Октомври, 2022
Непознат сторител вчера го вандализирал македонскиот клуб во Благоевград уште пред официјално да се отвори.
„Како што ни јавија нашите пријатели од Здружението за заштита на основните индивидуални човекови права, во текот на вчерашниот ден беше извадена буквата М од насловот на Македонскиот културен клуб Никола Вапцаров“, пишува НОВ АСНОМ.Велат дека ова е нетолеранција за која Владата во Софија молчи и не ја осудува.
НовАсном додава дека негувањето на врските со нашите роднини и пријатели од Пиринска Македонија како и нивно помагање е единственото решение во услови кога нашиот идентитет е нападнат од Република Бугарија.
Дел од бугарските граѓани бурно реагираа затоа што во Бугарија ќе се отвори македонски културен клуб. Тие на фан страницата на европратеникот Ангел Џамбаски упатија навреди и тврдат дека Македоцни во Бугарија нема. И Џамбаски вели дека македонско малцинство во Бугарија немало, нема и нема да има. Вапцаров е македонски поет роден во Банско, Бугарија. Деновиве во Градскиот парк во Скопје беше оштетена неговата биста.