Неприфатеното редефинирање на државата пресуди БЕСА да оди во опозиција
Објавено во: Македонија 28 Мај, 2017
Мандатарот Заев не прифати редефинирање на државата и затоа БЕСА нема да биде дел од идната влада.
Ова е ставот на Билал Касами, лидерот на движењето Беса кој беше образложен на прес конференција за медиумите.
Беса официјално оди во опозиција, но сепак тоа не значи дека нема да гласа за реформи. Напротив Касами соопшти дека БЕСА ќе гласа онака како што е договорено односно, онака како што го потпишале барањето за укинување на екстерното и како што ќе бараат продолжување на мандатот на СЈО.
„БЕСА останува во опозиција, но и понатаму ќе биде главен фактор за заштита на Албанците и е отворена да поддржи реформи за подобрување на статусот на албанските и останатите граѓани.
Ние сакаме да бидеме различни од владеењето Ахмети – Груевски и затоа го баравме овој договор, бидејќи не сакаме да бидеме како Ахмети и кога се прашање правата на Албанците да велиме дека Груевски ги опструирал“, изјави Касами.
Касами посочи дека Заев не прифатил редефинирање на државата, а на новинарско прашање што поточно значи редефинирање затоа што во јавноста звучи опасно, тој рече дека не е опасно и Албанците да одлучуваат за државата.