Добивај вести на Viber
Германската канцеларка Ангела Меркел добила нова имењачка, бебе бегалец од Гана.
Германската новинска агенција „ДПА“ јавува дека бебето Ангела Меркел е родено на 2 февруари и дека во градот Хановер живее со својата мајка и уште 370 азиланти. Тие живеат во поранешна болница која е преуредена во бегалски центар.
Офелија Аде, мајката на бебето со име Ангела Меркел, изјавила дека името го избрала бидејќка германската канцеларка е „многу добра жена“.
Правилата во Германија за давање на имиња се многу строги и презимињата често не можат да се користат како лични и средни имиња. Портпаролот на градската управа на Хановер, Алексис Демос не можел да ја потврди причината поради која Ангела Меркел е прифатена како лично име.