Невработеноста опаѓа - овој град е втор по бројот на слободни работни места
Објавено во: Економија 07 Октомври, 2016
Втор град по бројот на слободни работни места во земјава е Штип.
Ова го изјави денеска директорот на Агенцијата за вработување на Република Македонија, Влатко Поповски на Инфо денот за невработени лица и работодавачите. Вели дека фирмите во Штип сега имаат потреба од вработување на 420 лица.
„Граѓаните на Штип и околината на Штип ќе можат да ги погледнат овие работни места на нашиот веб-портал и огласите да ги побараат и да го добијат на сопствениот профил без да бараат каде ќе можат да аплицираат. Инаку работните места кои се објавуваат се од продавачи, келнери, шивачи од инжиењери, од истражувачи, буквално сето она што во Република Македонија има потреба и самите плати се движат од минималната плата па до плати кои изнесуваат до 170.000 или 180.000 денари, во зависност од каков тип на работник се бара“- рече Поповски.
Во градот се евидентирани 2.100 акивни баратели на работа. Работодавачите бараат лица со средно стручно образование, вели раководителот на Центарот за вработување, Лазе Димчов. Објаснува дека во последно време имаат мал проблем со недостаток на општи работници.
„Значи работници со пониско образование, што ги бара стопанството. Во Штип се отворија многу слободни работни места и странски инвестиции со огромен број работни места. Ние веќе ги исцрпуваме можностите од наоѓање кадар, кој го бара самото стопанство. Во иднина ќе гледаме да обезбедиме од соседните општини, пред се од Свети Николе, Радовиш и Пробиштип, а и го правиме тоа веќе подолг временски период, а компаниите организираат сопствен превоз да ги донесат работниците во Штип“ - кажа Димчов.
Во 2005 година во Штип имало 17.000 вработени лица, а оваа година бројката на вработени лица е 24.500 лица.
Можеби ќе ве интересира
ПРОДАВАЧКА ДОБИЛА ОТКАЗ ПОСЛЕ 68 ГОДИНИ РАБОТА - поради работата не одела ни на меден месец, граѓаните во солзи
ЕУ ВОВЕДУВА НОВИ ПРАВИЛА: Голем дел од амбалажата што сега ја знаеме, до 2023 година веќе нема да изгледа исто
НЕ Е МАРАТОНЕЦ, НО ТРЧА СО БРЗИНА ОД 6 КИЛОМЕТРИ НА ЧАС - Тиангонг е хуманоиден робот кој се движи како ниеден досега
КОЈА ФАБРИКА ЗА ЧОКОЛАДИ „НАБИЛДА“ ДОБИВКА ОД 240 ИЛЈАДИ ЕВРА ЗА ТРИ МЕСЕЦИ - еве кои се причините
ЗА ЈАХТИ, ХАЦИЕНДИ И СКАПИ КОЛИ ЌЕ СЕ ПЛАЌА ПОСЕБЕН ДАНОК, ЗА ПЛАТИ НАД 7.700 ЕВРА 40 ОТСТО ПЕРСОНАЛЕЦ - еве какви решенија нуди Левица
НАЈНОВА СТАТИСТИКА: Србите сѐ помалку бараат работа во странство, младите сѐ повеќе одлучуваат да останат во својата земја
ЕДЕН ОД НАЈГОЛЕМИТЕ ТРГОВСКИ СИНЏИРИ ВО ЕВРОПА Е ПРЕД БАНКРОТ: Се затвораат 16 стоковни куќи, 1.400 работници остануваат без работа
НАЦИОНАЛНО БИРО ЗА ОСИГУРУВАЊЕ: Цената на авто осигурувањето е непроменета од 2008 година, реално е покачувањето
ВО ГЕРМАНИЈА СЀ ПОВЕЌЕ СЕ ЧУВСТВУВААТ ПОСЛЕДИЦИТЕ ОД КРИЗАТА: Пристигна загрижувачка оценка
